[ندعوك للتسجيل في المنتدى أو التعريف بنفسك لمعاينة هذه الصورة]




لم احدد كمية السفرجل مع السكر و الليمون انت تتحكمي في المقادير حسب الكمية كيما رانا رايحين نشوفو في طريقة التحضير
- فاكهة السفرجل من 1kg الى2kg
- سكر
- ليمون من 4 الى 5 حبات ( حسب كمية السفرجل )

الطريقة
اولا للمربى
- نغسل حبات السفرجل مليح و نشفهم



- نقشر حبات السفرجل و ننزع منهم اللب نترك القشور و اللب على جهة و حبات السفرجل المنظفة على جهة بحيث كل مرة و هذا ضروري كي نقشر حبة السفرجل نمسحها مليح بنصف حبة ليمون باش ماتكحالش

- ندي قدر و كسكاس بحيث ندير كمية من الماء في القدر و نخليه يغلي كي يبدا يغلي نضيف عليه القشور و اللب و هو ساخن و هذا لصناعة جيلي

و ندير قطع السفرجل اللي نقيناهم في الكسكاس و نغطي عليهم و نوضعهم فوق القدر اللي بيه القشورو العلوف و نخليهم يفورو مدة 20 د حتى يولي طري

- من بعد ندي رحيوة و نرحي قطع السفرجل

و هنا تتحكمي في كمية السكر حسب كمية السفرجل اللي تحصلنا عليها بحيث عبر سفرجل يعطينا 2 عبار سكر ماشي معمرين أي كمية السكر تكون دايما ضعف كمية السفرجل

- ندي صحن من الاحسن يكون من الفخار و ليس حديد ندير فيه كمية السفرجل و السكر + عصير الليمون تقريبا كاس و نخليه يبات ليلة كاملة قبل الطهو

و نروح نحضر الجيلي عادي
- في اليوم الموالي نضع خليط السفرجل في كسرونة

و على نار هادئة نبدا نحرك دون انقطاع لان لو خليناه راه رايح يلسق في القاع و يشكل كراميل لازم نحرك حتى نشوف بلي السكر ذاب او مالصقش في قاع الكسرونةو تحول لونه الى الذهبي

- ندي مول ندهنوه بالزيت و هنا كيما نحب اذا حبيتي سمك السفرجل يجي سميك ندي مول صغير و اذا حبينا سمك رقيق ندي مول شوية كبير نفرغ المربى و نخليه يبرد من بعد نغطي عليه بورق المنيوم و نخليه في مكان عادي حتى يتماسك و لا يقطع الا بعد مرور 4 ايام على الاقل



- بعد مرور هذه المدة يقطع السفرجل مقروطات وهنا لكي الاختيار تحبي تخليه هكدا او ترمديه في سكر عاديى المخلوط مع سكر فانيلا لاعطاء الذوق و يولي كيما الحلقومة
2 للجيلي
- الماء اللي غلا فيه القشور + العلوف نصفيه من بعد نعبر كمية نتاع هداك الماء هي نفسها كمية السكر + شوية عصير القارص



ندير الكل في كسرونة و على نار هادئة نحرك مرة ولا زوج مانحركش بزاف حتى يعطي نتيجة افضل و نخليه حتى يولي عاقد






ملاحظة
- بالنسبة لاجيلي نتاع السفرجل كي نعملها باش تعرفي بلي جهزت نرفد بالملعقة و نلاحظ الا ماقطرتش نعرف بلي لا جيلي وجدت
- لا جيلي نتاع السفرجل كي توجد نقدر نوضع طبقة من السفرجل + طبقة من لاجيلي + طبقة من السفرجل او نشكل كريات و نحشيها بلاجيلي
- الا استعملنا لا جيلي في الحشوات او استعمالها كنباج نسخنها شوية حتى يسهل لينا استعمالها
- بعدما تقطعي حبات السفرجل نقدر نوضعوه في الثلاجة


الموضوع  الأصلي : معجون تباسة المصدر : منتديات سميرة الكاتب :ام فارس

الموضوع  الأصلي : معجون تباسة المصدر : منتديات سميرة الكاتب :أم حسين

شكرا لكي على المرور


الموضوع  الأصلي : معجون تباسة المصدر : منتديات سميرة الكاتب :ام فارس

يعطيكــ الصحة والعافية ام فارس على المعجون هو صح يجي ماشاء الله

تحبتي لكــ ٍ


الموضوع  الأصلي : معجون تباسة المصدر : منتديات سميرة الكاتب :نحمة الليل