المطلوع المحشي

**ام فارس** · الإثنين سبتمبر 01, 2014 3:12 pm

بعد ما تعجني المطلوع خليه يخمر الخمرة الاولى ثم فشيه ادلكيه شوية شكليه قرص خليهم يرتاحو خمس دقائق

تكوني مجهزة صلصة الطماطم كيما نتاع البيتزا وتكون شوية حاارة +علبة طون نتاع الطماطم +فرماج + بطاطا مقلية شرائح رقيقة + جريوات مقلية شرائح رقيقة +فلفل حار ودبشة وزيتون اخضر مقطعين رقيق

نقرص القرصة الحجم العادي للمطلوع ونبداو نجبدوا في الحواشي ونكسلوهم مليح حتى تولي الضعف يعني العجينة في الوسط تكون عادية وفي الحواشي رقيقة
نحشيها مثلما توضح الصور

نعاودو نقرصوها

خليها تخمر ربع ساعة وطيبيها في الطاجين

والله رااائعة جربوها وردولي
كل ما كانت الحشوة كثيرة والعجينة رقيقة تكون اروع والذ
بامكانك عمل قرصتين فوق بعض بيناتهم الحشوة
والاولاد الصغار ديريلهم قرص صغار احشيهم بالفرماج يجيو روووعة
سلامي الحااار اتمنى تعجبكم

الموضوع الأصلي : المطلوع المحشي المصدر : منتديات سميرة الكاتب :ام فارس