كيفية صنع النوقا التي تباع في الاسواق

**ام فارس** · الجمعة مارس 13, 2015 2:57 pm

[ندعوك للتسجيل في المنتدى أو التعريف بنفسك لمعاينة هذه الصورة]

هده وصفة ناجحة ديتها على سليمة يعلى من قناة سميرة

نحتاج
700غ سكر
100غ ماء(حوالي تقريبا 125مل)
100غليكوز(ملعقة تاع اكل معمرة مليح) نص كاس
200غ عسل
3 بياض بيض
كوكاو محمص انا درت حوالي 300غ
طريقة التحضير
اول شيء نحط السكر والماء في كسرول ونحطهم فوق النار حتى يطلق السكر مليح

نضيف الغليكوز ونخليه يغلي

حتى نلاحظ فقاعات طلعونضيف كمية العسل

ونخليه تغلي ونروح نطلع بياض البيض مع قرصة ملح كي الثلج

ونبدا نراقب السيرو نتاعي مرة على مرة نرفد ملعقة من السيرو نفرغها في اناء حاطة فيه شوي ماء ونرفدها ونشوف اذا كانت على شكل عجينة او نخليها تزيد تغلي شوي

لازم كي نرفد هديك السيرو اللي فرغناه في الما يولي كراميل اي تتكسر فهمتوني
من بعد نبدا نفرغ فوق بياض البيض مباشرة مع الخفق المستمر دون توقف ونواصل الخفق حتى تقريبا يبرد هداك الخليط

نوقف الباتور نحط هداك الكوكاو ونخلط

نجيب بلا درت فيه ورق الزبدة ورشيتو بالسكر والمايزينة شوي
نفرغ هداك الخليط ونسويه شوي ونخليه يبات حتى لغدوة من ذاك نقطعها

نخليها تبات غدوا من ذاك تلقاوها يبست قطعوها وغلفها بالغلاف الشفاف

ملاحظة : تحبي ديريها باللوز ولا بيستاش ولا اي نوع تاع مكسرات نورمال انا اول مرة جربتها بالكوكاو وتجي بنينة بزاف
ومن الاحسن الكوكاو تحمصيه مليح باش تجي بنينة

وصفة منقولة للافادة

الموضوع الأصلي : كيفية صنع النوقا التي تباع في الاسواق المصدر : منتديات سميرة الكاتب :ام فارس