شواط بطاطا

**ام فارس** · الخميس ديسمبر 11, 2014 6:00 pm

المقادير و الطريقة:
المقادير:
ـ 500غ سميد رطب.
ـ 500غ فرينة.
ـ ملعقة قهوة ملح.
ـ ملعقة أكل خميرة الخبز.
ـ ماء.
ـ 1كغ بطاطا.
طريقة التحضير:
نضع في جفنة سميد و الفرينة و الخميرة و الملح و تبللي بالماء حتى تحصلي على عجينة متماسكة و تعجنيها من 10 دقائق إلى 15 دقيقة و نخليها ترتاح.
من جهة أخرى بعدما تكوني قشرتي البطاطا و غسلتيها ديريها في قدر مع الماء و شوي مليح و خليها حتى تطيب.
بعدما طيب اطحنيها و خليها تبرد شوي عاودي ولي للعجين و ضيفيلو البطاطا على دفعات و و كل ما ضيفي دفعة تعجينها حتى تدخليها في العجين و من بعد نخليها تخمر.
كي تخمر ديري الطاجين يسخن و ادهني يدك بالزيت و قطعي كرية من العجين (كيما تحبي الحجم تاعها على حساب الطاجين تاعك) و رمدي الكرية تاعك في السميد و حطيها فالطاجين و قرصيها بيديك (يعني تحليها فالطاجين و هنا لازم تكوني سريعة شوي) و من بعد كي تشوفيها طابت من التحت قلبيها و كي تنحيها من الطاجين رشيها بزيت الزيتون و كملي بنفس الطريقة حتى يخلاصلك العجين. (هذا المطلوع نقدروا نشربوا به قهوة ماشي ناكلوا به كيما المطلوع العادي)

لما يطيب نضع له شربات او عسل و زبدة مثل بغرير هو جد لديد

الموضوع الأصلي : شواط بطاطا المصدر : منتديات سميرة الكاتب :ام فارس